By ASISA
Imali loyisebentele ngemandla akho onkhe iyanyamalala ngaphambi kokube kuphele inyanga, kungako nje kongela intfo lebalulekile kuba ngumcansa. Ungatikhatsati ngekonga kutsi kutaba ngumcasa, utitjele kutsi utawonga masewuhola kakhulu.
Asiciniseke: imali mayiyinengi nemphilo iyantjintja, netintfo tiyadula kungabikho konga.
Konga akuhambelani nekuhola kakhulu. Kuhambelanga nekutifundzisa kubeka imali eceleni, noma yincane kanganani, utakhele lidlelatfongeni langakusasa.
Kulenyanga Yekonga, Association for Saving and Investment South Africa (ASISA) ikukhutsata kutsi wondle loko longakukhona ngoba likusasa lakho lisime ekongeni.
Kongela likusasa lakho
Udzinga kongela tizatfu letimbili. Kwekucala, likusasa alatiwa futsi alitsembakali. Udzinga lidlelatfongeni lekutsi ube nemali mangabe sowugula, ubuyisele titfo temtimba letidzinga kubuyiselwa uphindze ubhadale timali tesikolo.
Sizatfu sesibili kubeka imali yasebudzaleni bakho. Imali loyibekela budzala bakho, iyakukhulula kutsi ukhone kutimela, utiphilele kancono ebudzaleni bakho, ungahluphi umndeni kakhulu.
Akusiko kutsi ubeka malini kodvwa kutsi ukwente kube yinjwayelo. Kubeka R20 noma R50 ngalokujwayelekile kungaba ngatsi kuncane kodvwa kwenta kutsi kube yinjwayelo. Mawuyibeka imali yakho utayitfola intalo kuleyo mali yakho.
Kulenyaka Yekonga, tikhutsate kubeka imali nobe yincane kangakanani:
“Kucala konga masewunemali lenengi ngiko lokuhle”
Ungalindzi kutsi sikhatsi sibe ngulesilungile, cala wonge loko longakukhona. Noma yimali lencane kangakanani mawuhola iyakukhutsata kutsi ujwayele konga. Khuluma nelibhange lakho kutsi litsatse imali letsite mawuholile ibekwe eceleni kwentele kutsi ujwayele konga. Lemali loyongako, ungakhoni kuyisebentisa noma kunini.
Konga: Khetsa intfo longayehlisa njalo ngenyanga, namnede mawudla sidlo sasemini, kutsenga kudla kwasebusuku NgolweSihlanu uyitsatse lomali, uyibeke eceleni.
“Kubeka imali lencane akusiti lutfo”
Bantfu labanengi bacabanga kutsi konga kubeka imali lenengi njalo ngenyanga. Kodvwa, wonkhe umunftu lowongako, wacala ngekubeka lokuncane.
Waze wacala noma yimali lencane, kutetsemba kwakho kuyakhula. Mangabe kukhona imali lengenile, mhlambe ivela kumbutfo beniwucalile nebangani, nobe kusemsebentini makuphela umnyanga, konga kwakho kuyakhula. Ungakutsatseli phansi kubeka imali lencane, emvakwesikhatsi, konga kwakho kuyakhula.
Lokubalulekile kutsi wonge noma kuncane kangakanani na.
Konga: Mawonga wongela intfo letsite, ikwenta ukujwayela. Bantfu labanengi bayakhutsateka mabati kutsi kongelwa ini.
“Kutsatsa imali kwimali yakho yemhlala phansi akusiko lokubi kangako”
Uma unenhlanhla yekutsi ubenemali yemhlala phansi sowucalile konga. Mawutsatsa imali kuleyomali yemhlala phansi wakho, kuyalehlisa libhodwe bewulongile.
Mawuyitsatsile leyomali, nentalo yakhona iyehla kakhulu, kantsi mhlambe uyidzinga kakhulu ebudzaleni.
Khumbula, lemali lowumane uyitsatsa kulemali yemhlala phansi wakho, ikhona imali labakubita yona mawuyokhipha njalo.
Konga: Tikhutsate kutsi kube khona imali loyibeka eceleni, noma kuncane kangakanani. Kunekutsi utsate kulemali yemhlala phansi wakho, tsatsa kulemali lomane uyibeka eceleni njalo ngenyanga.
Yonga loko longakhona kukonga
Awudzingi kubeka imali ngendlela lenhle, letinye tinyaka titaba lukhuni, kulungile naloko.
Lokubalulekile kutsi ubeke imali noma yincane kangakanani na, makukhona lokubekako eceleni, umoya wakho uhlala ukhululekile.
Kulenyanga Yekonga, ungabuki kutsi ubeka malini, buka kutsi sowucalile konga.
Yonga loko longakhona kukonga, likusasa lakho lisekongeni.
Lombhalo longetulu wetfulwa yi Association for Savings and Investment South Africa (ASISA) kulenyanga yekonga kusita bahlali baseMzansi Africa…#YongaLokoLongakhonaKukonga.
