By Ntuthu Blow,
The OCCASION was on 21 March 2018 in Grahamstown where AZAPO commemorated the Sharpeville Massacre. Poet Ntuthu roared as follows:
Vuka mntundini wakwa Sobukwe,
Shuku-shukuma kaloku mathamb’es’hlwele,
Vusele’amathala nemithombo yeemfundiso zikaPoqo,
Nkcenkceshel’umoya wakho ze sivuke ngomso silwel’ukubuya kwelizwe lookhokho,
Shukumis’izazela zonyana nentombi zomgquba,
Thetha kaloku Sobukhwe ngoba namhlanje kuyatsh’eAzania.
Le ncwadi siyibhalele wena Mangaliso,
Iphi na inimba yakho Sobukhwe mhla sisifa eMarikana?
Senze ntoni na kubani xa umhlba wethu unkcenkceshelwa ngegazi lethu?
Phendula kaloku Sobukhwe; thetha kaloku Mangaliso,
Phakamis’ingqumbo yeminyaka xa, ohlohlesabo bethengisa ngegazi nelizwe lo bawomkhulu,
Ndithe vuka kaloku Prof; ngob’inqawa yakho seyingxaliwe,
Philis’iingqondo zethu ngeemfundiso zakho,
Ze sigweb’indlala nentswel’aph’eAzania,
Ze usikhumbule, ze usikhumbuze hleze silibale.
Vuka Sobukhwe, Vuka Mothopeng,
Vuka Masemola, Vuka Biko,
Vuka Pokela, Vuka Sobukwe.
Camagu!
